…..
1
وردة محب
سألها :
إيه عندك ياحورية ؟
أجابته :
إللى انت رايده ؟
قال :
مافى عندك فايض !
قالت :
الجودة بالموجود ..
وردة المحب جناين .
2
تحليل نفس اجتماعى
كتب :
يمكن ان نحلل شخصية الدينى المتطرف كالتالى :
شخص نمطى و تقليدى جدا فى تفكيره و لم يتدرب على التفكير النقدى بل على العكس قضى حياته على اسلوب السمع و الطاعة و عقله محبوس داخل الدوجما الدينية و يحترم النص بصرف النظر عن المحتوى و المضمون ولا يميل الى الفرح والدعابة او صناعة البهجة ولا قبول النكتة لأنها تخرج عن النمط التقليدى للتواصل والاتصال واللى بيكون مضحك فيها اعتمادها على المفارفة وبالتالى يستحيل عليه تذوق النكتة أو يفهم التناقض والمفارقة المبنية عليهما و لذلك إعتدنا فى كل مناشط حياتنا ووعينا ومشاعرنا وفى نتاجنا الفنى ووسائل الإعلام على هذا التخشب وهذه الوجوه الخشبية ذات الإبتسامة الصفراوية والبلهاء التى لا تعبر عن شيئ غير التجوف العقلى والضحالة وأصبح روح هذا الذى يطلق عليهم ظلما بنو بشر …حتى لو حاول أن يستظرف أو يقول نكتة فهى لا تتجاوز الخطوط الحمراء التى الجم بها
نفسه أو من اولاه :
مرشد ا كان او الجماعة اللى حبسوه فيها ( بينما مفاوضاتهم
مع كائناتهم الغامضة مستمرة سرا وبعيدا عن هدر القطعان التى منحتهم رؤوسها وقلوبها ).
بالطبع بيكون دمه يلطش و يفقع المرارة ويكون ثقيل الظل !!
دعا ربه : إبعد عنا جميعا هذه الانماط التى هى شر خلقك و أغلس ناسك و أثقلهم ظلا و أفقعهم جينات
3
مناخ اجتماعى
قال :
طلبت فقط طلبا مشروعا :
تفعيل الشفافية لتقليل هدر
الوقت والتفكير فى هواجس المؤامرة وتجنب المناهدة
خاصة وان كل شعوب المنطقة ( رجالا وسيدات ) صباح مساء
لا تمارس تصرفا ايجابيا متعمدا
لأنها موحولة حتى النخاع فى الكيد والمناهدة واستحضار كل ماهو ردىء ومنكود
( اتكلم عن المناخ الذى يحيا
فيه الجميع دون استثناء )
ومؤكد ان هذا المناخ يمارس تأثيره على الجميع دون انتباه منهم .
4
منتهى التناقض
قال :
معظم الحياة هنا مليانة تناقضات
وحاجات كتير موجودة ومتجاورة بس فى منتهى التناقض ..
وكأن اللغات القديمة مصرية او سريانية او آشورية او امازيغية او نوبية اوغيرها لغات مش بتاعتنا
أو بتاعة كل الدنيا ماعدا احنا
طيب مين اللى سبب لنا هذه الغربة
ومين اللى فصلنا حتى عن انفسنا ؟
وعن تاريخنا الغائر فى القدم ؟
5
حرمان
قال :
اللى انحرم من حب حقيقى
زى اللى بيمشى فى صحرا
يشوف الميه على بعد ولما
يقرب منها يلاقيها سراب
نعم :
من حق هذا المحروم أن يلمس المناطق الحقيقية بمناطق الآخر الحقيقية المناظرة اللى جواه واشباعها .
6
حكمة بالصينى
قال :
ده عصر العلم من ملكه فاز بالوجود والحياة
أما إللى بيستهبل فمرحى ثم مرحى بقفاه ثم قفاه .
7
ابعديات
قال :
دى ابعديات تربح وسمسرة وتجارة .. ومن يقترب منها
سيصبح فى عداد المفقودين ،
انقذ الله البشر وابناءهم من
سعير هؤلاء المتنمرين
وسعارهم ..
