………
1
ندوة
ارسل اليه صديقه بانفليت الندوة التى يخططون لإقامتها .. كانت عن القصة والرواية القصيرة .. عرض عليه أنه لو
وجد وقتا سيذهب .. انتبه الى الترغيب
المبطن والطعم الملقى اليه .. تمنى له التوفيق والفايدة فى كل الأحوال ..
نءح عليه ضميره فأصدقه القول وسأله :
فين الاضافة اللى بتعملها ندوة زى دى ؟
مايعملوها فيديو وينزلوها على النت للى عايز ويوفروا وقت وفلوس الناس ف المواصلات و تعبهم فى
اللبس والنزول والطلوع حتى بالنسبة للى عدا الخمسين فى السن ولا عشان السبوبة اللى بتيجى من وراها يزينوا للناس فوايد
زايفة وجايفة ، وحاجات شغل يسار بيشتغل عند خراجيين .
لسة بيدحكوا ع الناس ؟
وللاسف السذج والعبط والمستسهلين والمسترخصين لسة كتير اوى ،وماليين
كل الحتت وكل اتجاهات البوصلة .
2
منطق
قال :
منطق المحتال :
كل شىء ممكن
حتى لو كان مستحيل .
3
نبتاية
قال :
الكتابة عاملة زى النبتاية لما تطلع من بذرتها جوه النبتاية ارادة النمو
لازم ايد رحيمة تتولاها بالحماية
والرعاية لغاية ما تكبر او الى
مالا نهاية …
4
تجدد
قالت فى انفعال وحماس :
مافي حب لحبيب اولانى
ولا تاني ولا تالت..
الحب للشخص المناسب
اللى هتقدر تتعايش وياه
عيشة مافيهاش تعب
نفسي ولاضغوط بتنحر
فيك وفي عافيتك يوماتى ..
اذا قابلته بعد عشرين سنه
وبعد ميت تجربة..
هوالشخص اللي هيخليك
مليان ومزهزه و فرحان
ويخلى قلبك كله فرح
وحيوية مش مرهق
ولا حزين، ولا مكلول
الحب للشخص اللي
قابلته وانت مهدود
ومضغوط وقابلك بكل
وجعك ومرهمك عشان
تعيش من تانى حياة جديدة
منوره وبشوشة بمشاعر
وأمانى كلها حب وأمل ..
5
قيامة
( الى القس جورج )
قال :
الامل كبير ياقديس
المصريون لما يرجعوا لقبطيتهم كده بيرجعوا لجزء من تاريخهم المفقود وكده بيخففوا من اغترابهم
الوجودى الغزاة العرب لما جم مسحوا كل خبراتهم المحفوظة فى جيناتهم وعملوا لهم غسيل مخ ،
لكن لحسن الحظ فيه بقايا ماعرفوش يغسلوها
زى القبط وزى النوبيين وز ى
الأمازيغ وزى سكان الصحارى
المصريين ، وزى اللى هاجروا
الى البلاد المجاورة واستوطنوها بديلا لبلادهم اللى هاجروا منها باختيارهم ..
فمن كل ده يمكن لملمة الأجزاء
زى ماعملت ايزيس ولمت ال
14 حته اللى قطعها ست ووزعها
على ال14 اقليم المصرية ..
وعضو الذكورة اللى بلعته سمكة القنومة النيلية .. تمكنت من ان
تصطادها وبمساعدة توت باجراء بعض التعازيم والرقيات واشعال
بعض سيقان النباتات تمكنت ان تعيد هذا الجسد الممزق فى ومن اشلاء الى الحياة وتمكنت من ممارسة العلاقة الحميمة لتحمل بعد ان تبرعمت فى
هذا الجسد الحياة وتمكنت من الحمل اخيرا وانجبت حورس .. الذى تمكن
فى نهاية الامر ان ينازل ست وينتصر
عليه بعد معركة غاية فى القوة والشراسة وتمكن حورس البطل أن يسترد ملك ابيه ويحكم مصر ..
هكذا اسطورة القيام والتجدد المصرية القديمة ..
