……
1
ثقافة زايفة
قال :
التنمر يجيب
الوسوسة كمالة ثقافة
النخاسة والزيف والتجايف.
2
تقوى شكلية
قال :
بصوا .. انتى وهوا وهيا انتو بتتخبو ورا هذه التقوى الشكلية عشان ما تتكشفش خبراتكم
الضحلة المنقوصة وتحصيلكم المعرفى السطحى وضمايركم المرتخية واللى مش مسؤولة والمستهترة بتواجدكم فى الحياة ..
3
داهية
دعا :
دامت ذكرى هذه الأميرة العظيمة
بعد ثبوت نصباية الغزاة تبع جيوش عقبة على حمى و مواطن وربوع شعب الامازيغ المحترم والاصيل ،
و وقفت لهم هذه الأميرة الشجاعة و قاومتهم لكن الغزاة ابدا لن يفرطوا فيما حازوه من غنايم ومكاسب وسبايا او فيما كسبوه
غصبا و كذبا وبهتانا ..
4
هكر
بادرها قائلا :
نشطى معنوياتك
ولا تزعلى نفسك
وسعى ومددى دلالة الواقعة
المفردة الصغيرة واستخدميها
فى قراءة الحياة .. ستكتشفى
كل الحياة مرة واحدة
الواقعة بمثابة وحدة unit صغير
ولاننا انا وانتى لسنا بهذا الشر
ونكتفى بذكر انها واقعة فردية
منعزلة جاءت مصادفة
ومن هنا نستفيد من هذه الواقعة
فى تأكيد ماهو منطقى وعلمى وموضوعى وصارم هذه واحده
اما الثانية فهى ادراك ان البساطة والعفوية هما سبيل مفيد للعيش
فى هذه الغابة .. وان الاستذآب
والتنمر والاستئساد والثعبنة هى طرق عيش المتوحشين وآكلى اللحوم …
5
راوى قصص قصيرة جدا
كتب محتجا :
كتير منهم زعلانين ان راوى القصص القصيرة جدا ومتناهية القصر بيفهم ودماغو توزن الدنيا
وقادر على التحليل و ترتيب النتايج على الاسباب .. يمكن يكونو عاوزين راوى كوميك ولا دروش ولا هلاهوتا ولا نزيل مشافى ولا جوال ..
الرواه اللى زى دول انقرضو ومنهم اللى راح ف الوبا وماعادش ليهم للقرايين قصص منفعة كبيرة وما
حدش كمان فاضى لترهاتهم وخفتهم اللزجة تقيلة الظل والدم ..
6
خبر
قرأ :
الهند تصدر برمجيات
ب 156 مليار دولار
عقب بصوت منفعل :
عقبالنا …
_ الكوادر البشرية متوفرة
_ الرملة البيضاء والزجاجية متوفرة .
_وزارة الاتصالات لوحدها مش صح
_ برامج تعليم النانو فى المراحل الاولى
_ واهم نقطة التخلص التام من كل آثار
القروسطية تعليما وسلوكا ومحتوى ..
