المستريحون الثلاثة وقصص أخرى – نبيل حامد – مصر

1

المستريحون الثلاثة

مستريح قصايد  ومستريح غُنا والمذيعة مستريحة إعلام أقاموا لقاءا على الهواء ..فقد استضافتهماالمذيعة المستريحة والمشهورة .. قال الشاعر شعرا هنجوريا ضخم الألفاظ  ومتداخل التراكيب غليظ المشاعر والمعانى ، وبجملة لحنية او جملتين هزيلتين وفقيرتين ردد المغنى ذائع الصيت فى المحيط  كلمات الشاعر الهنجورى .. وماكان من المذيعة المستريحة  والمشهورة معا  إلا أن تبدى إنبهارها ودهشتها   وتفاجؤها بهذا الإبداع الارتجالى والعفوى والتلقائى وليد اللحظة الخيرة والموفقة … تم هذا فى حضور جمهور رمزى مجلوب  كمالة ديكور

ومنظر وللتصفيق عند سخونة المشاهد…

عندما أرسل الفيديو  لصديق يثق فى ميزانه يسأله : ماهذا  ؟

أجابه : هبل و استهبال .. قال لنفسه:  فعلا

واستغفال جمهور مشاهدين كمان..

2

تختيم كاتب

قال :

لا يجب ان ينخدع الكاتب بقبول وتفاعل ولايكات الميديا .. لانها خادعة  وغير دقيقة ..

سأله مباشرة وفى حماس :

 ماهى الآلية السلوكية المطلوبة

من الكاتب (ككتالوج إجرائي )  ؟

على سبيل المثال ياخد موافقة علاء

او سيد او فاطمة او برهامى مثلا  ؟ 

على ورقة يوقعون عليها ؟

أم  تعنى أن الكاتب يعدى على نخبة او اتنين من النخب المرمية على المقاهى او الصالونات ياخد اولا  موافقتها  على الورق ويوثق فى الشهر العقارى  رأى النخبة فيه

 ولا يتختم من جمعية ما تربط الكاتب علاقة ما بواحد منهم و(يتختم  )  بهذه الطريقة مثلا ..

اصحاب الكراسي الادبية ادواتهم

ضعيفة وغبية ومكشوفة فى التعامل مع الواقع الابداعى والفكرى

واتاحت الميديا وسائل ناجعةوحاسمة دالة فى التواصل والانتشار والتفاعل  الفكرى والثقافى لم تنجزه عشرات الادوات

عبر عشرة قرون ..والزرزورة ركبت كتكوت ..

3

قماشة عضوية

سأله عندما كانا يتحاوران :

 قصدك بالأعلام مين  ؟

 أعلام  التاريخ الوسيط  ؟

 أجابه بسرعة  :

 لا أقصد هؤلاء بتاتا  ..  نعم ..  نعم  قصدت بالزبط  رواد الحداثة المصرية  فى كل المجالات وواضعى  كل أسسهاحتى ولو  أن معظمها الآن

  أصبح كلاسيكيات  معرفة وعلوم وفلسفة  ….   هذا الاسس و التى هى حصيلة خبرات اكثر من ميت سنة من العلاقة بالغرب بعد حملة فرنسا فى١٧٩٨ ويمكن اعتبار هذه  الخبرات حصيرة بدايات الحداثة

المصرية  للى عايز يعمل قماشة ملائمة ومتجانسة وعضوية ..

  المذاهب القروسطية مضافااليها الوهابيين و اتباع ابن جموه وأهل الجماعة وحفدة خوارج  وشيع كتيرة  تكونت على مر العصور

 وغلاة صوفه أيضا ..  و فيما عدا اهل  العقل والتجريب والقياس  فى هذا التراث  وكل ممن وقفوا فى وجه هذه الحداثة  بكل ما أوتو من سلطة وادوات وأحكام  .. لقد أصبح  الالتفاف حول رواد هذه  الحداثة المصرية ( ١٩٠٥ : ١٩٥٢)  هو  البديل الوحيد للخروج من الضحالة والجدب والأرض المحروقة اللى سابها القروسطيين ..

نعم  .. نعم .. هى دى البوصلة

ويمكن تكون الخلاص ..

4

أهل  ثقافة

قال  :

المصريين دول من قديم الازل وهمه اهل حكمة ورحابة وتحضر وثقافة وضمير  وعشان كده كل شعوب الارض غيرانين  وبيحسدوهم  وعايزينهم  زمان  ودلوقتى وبكرة يكونوا

ملقف وهابية واخونة ودواعش

وبودرجية وبتوع منزول ..

شوف / ى مثلا  القرآن الكريم لما يعرض قصة الخضر وموسى .. ولا مش واخد /ه بالك .. ربنا قال على الخضر : ده واحد من عبادنا

أنا  ذكرت لك هذا المثال عشان

تعيد/ى ترتيب النظر الى المصريين

اللى ماليين الشوارع وصبرهم على كل المخلوقات ..

5

ياريت تفهم

كتب :

انت كيان  وكائن سماوى  مخلص لسماويتك 

اللى هيا أصلك ..

أنا مايخصنيش  أبدا سماويتك.. انت حر انت وهيا .. أنا على

 الأرض وف الحياه  .. فيه حدود جغرافية وفيه  زمن أرضى البشراكتشفوه وعملو له تقاويم عشان تنتظم اوقاتهم

 ومواعيدهم فى ايام وشهور وسنوات وتنسجم احوالهم الشخصية والعامة مع فصول السنة حر وبرد وميتعرضوش  لضربات الشمس او نزلات البرد .. كل ده لا يعنيك : انا عارف. لكن بالنسبة لينا  التفاصيل  دى هيا حياتنا ووجودنا لحدما نموت ونندفن تحت التراب.. انت حر مع نصوص سماك  ..

انا معنى بنظريات آينشتاين  وستيفن هوكنج  وبرتراند راسل وماكس بلانك وماكس فيبر وهابرماس  وتشومسكى لغاية بيل جيتس وزوكنبرج  وكل مؤسسى حداثة  الوجود والحياة بكل مخترعاتهاوآلاتها اللى اختصرت  الجهد والزمن  ..

وياريت تفهم ؟